ИНФОРМАЦИИ

(мандатен период 2020-2023 година)

На редовното изборно Собрание на Нотарската комора на Република Северна Македонија, кое се одржа на ден 4 јули 2020 година во Скопје, се изврши избор на претседател и на членови на органи (Управен одбор, Надзорен одбор, Дисциплински совет) на Нотарската комора на Република Северна Македонија за мандатен период 2020 -2023 година.

-За претседател на Нотарската комора на Република Северна Македонија за мандатниот период 2020-2023 година избран е НОТАР МЕТОДИЈА РИСТОСКИ од Скопје.

(нотар Методија Ристоски, претседател на Нотарска комора на РСМ)

На ден 11 ноември 2019 година, во просториите на Нотарската комора на РС се потпиша Меморандум за соработка помеѓу Агенцијата за катастар на недвижности и Нотарска комора на Република Северна Македонија, со цел уредување на досегашната и идната меѓуинституционална соработка која ќе придонесува за организирана меѓусебна поддршка во исполнување на надлежностите на страните, која пред се е од интерес и во служба на граѓаните и полесно и поефикасно остварување на нивните права и интереси.

На свеченото потпишување присуствуваше делегација на Агенцијата за катастар на недвижности предводена од директорот, г. м-р Борис Тунџев и делегација на Нотарската комора на РСМ предводена од претседателот, г. Васил Кузманоски.                                               

На ден 27 март 2019 година, на иницијатива на Управата за финансиско разунавање во просториите на Нотарската комора на Република Македонија е потпишан Меморандум за соработка помеѓу Управата за финансиско разузнавање и Нотарска комора на Република Северна Македонија, со цел уредување на соработката помеѓу Нотарската Комора и Управата во полето на спречување на перење пари и финансирање на тероризам, врз основа на надлежностите и овластувањата кои што произлегуваат од законската регулатива која што ја регулира материјата за спречување на перење пари и финансирање на тероризам, законската регулатива која што го регулира работењето на нотарите, Националната стратегија за борба против перењето пари и финансирање на тероризмот и меѓународните стандарди.

Врз основа на утврдената мерка на Владата на Република Северна Македонија донесена на својата 32 - та седница одржана на ден 31.3.2020 година, со која се формира солидарен фонд COVID-19 фонд, односно наменска сметка за примање на донации од правни и физички лица кои ќе имаат можност и волја да донираат средства кои ќе се користат за помош и поддршка за справување со кризата предизвикана од корона вирусот и јавниот повик од претседателот на Владата на РСМ, Управниот одбор на Нотарската комора на Република Северна Македонија на ден 14.4.2020 година донесе одлука за активно вклучување во акцијата за донација и доделување на парични средства за поддршка и помош во справувањето во борбата со ширење на коронавирусот. Во донацијата на повик на Нотарската комора се вклучија и дел од нотарите од Република Северна Македонија со свои финансиски парични средства на доброволна основа.

23 август 2019 година во Берлин

На иницијатива на Федералната комора на нотарите на Република Германија, на ден 23 август 2019 година во Берлин, Германија е склучен и свечено е потпишан Договор за меѓународна соработка помеѓу Федералната комора на нотарите на Република Германија, претставувана од правниот советник г-дин Ричард Бок, главен претставник на Федералната германска нотарска комора за меѓународни прашања и Нотарската комора на Република Северна Македонија, претставувана од претседателот г-дин Васил Кузманоски.

Станува збор за прв ваков договор од меѓународен карактер, кој Нотарската комора на Република Северна Македонија во досегашното 20 годишно постоење го потпиша со држава, земја членка на Европската унија.

      На ден 26 февруари 2019 година во просториите на Агенцијата за катастар на недвижности се одржа работна средба помеѓу претставници од Нотарската комора на РМ предводена од претседателот, г-дин Васил Кузманоски и претставници од Агенцијата за катастар на недвижности предводени од директорот г-дин Борис Тунџев.

На 17 јуни 2019 година во Француската амбасада во Скопје, претседателот на Нотарската комора, г-дин Васил Кузманоски и членот на Управниот одбор на Нотарската комора, г-дин Сашо Ѓурчиноски остварија средба со францускиот амбасадор г-дин Кристиан ТИМОНИЕ.

Делегација на Нотарската комора на Р. Косово предводена од претседателот Алириза Беши, членови на Комората како и претставници од Министерството за правда на Р. Косово во х. Холидеј ИН, Скопје на 9 февруари 2019г. оствари работна средба со делегација на Нотарската комора на Р. Македонија предводена од претседателот Васил Кузманоски.

На 30 Март 2019 година во хотел Александар Палас, Скопје се одржа 21 - вото Редовно Годишно Сoбрание на Нотарската комора на РМ на кое беа усвоени извештаите од работењето на органите на Нотарската комора на РМ во претходната година.

Хуманоста и споделувањето се неизоставен дел од празничната традиција која Нотарската комора на Република Македонија ја практикува низ годините. Оваа година донации беа поделени во Дневниот центар за деца со посебни потреби во Тетово, Центарот за деца со церебрална парализа во Скопје и бо ЈУ Дом за доенчиња и мали деца - Битола кој згрижува дечиња од најмала возраст па се до 3 години.