На 20 декември во хотел Александар, Палас, Скопје беше одржан свечен настан по повод 20 години основање на Детската амбасада за Сите деца на светот под покровителство на премиерот г-дин Зоран Заев. На овој настан како претставник на Нотарска комора на РМ присуствуваше потпретседателот на Комората и член на Управен одбор, г-дин Наџи Зеќири.

Детската амбасада за Сите деца на светот е основана во 1997 година и во своето постоење има многубројни активности за ресоцијализација и психофизички развој за повеќе од 15 илјади деца.

Нотарската комора на Република Македонија како и досега, и во иднина ќе продолжи преку скромни донации да дава свој придонес во градењето на хуманистичко општество и остварување на проектите предвидени за реализирање од страна на Детската амбасада за сите деца во Светот.