На 21 и 22 април, 2018 година во хотел Метропол и Белви, Охрид беа одржани редовните Нотарските денови во организација на Нотарската комора на Република Македонија.

Нотарските денови ги отвори г-дин Васил Кузманоски, Претседател на Нотарскa комора на Република Македонија, со поздравен говор во кој се заблагодари на присутвото на гостите и присутните нотари, а потоа изложи и свој краток осврт кон изборот на темите за советувањето.

На Нотарските денови беа презентирани следниве теми:

“Утврдување на вистински сопственици на правни лица, нови индикатори за утврдување на сoмнителни трансакции од страна на нотарите, најнова пракса за утврдување на нелегални финансиски активности во нотарското работење„

Излагач: Мирјана Мицевска – заменик раководител на Секторот за спречување перење пари и финансирање тероризам, Управа за финансиско разузнавање

“Прекин на оставинска постапка„

Излагач: д-р Арсен Јаневски, професор во пензија

“Примена на Законот за градежно земјиште со посебен осврт на заложувањето, пренесувањето на правото на градење и пренесувањето на право на сопственост на градежното земјиште сопственост на Република Македонија оттуѓено по пат на јавно наддавање, како и примена на информацискиот систем за градежно земјиште„

Излагачи: Анета Јорданова, Помошник раководител на Сектор за документирање и управување со градежно земјиште и Дејан Митески, Советник во Сектор за документирање и управување со градежно земјиште при Министерство за транспорт и врски на Република Македонија